Ուիթնի Հյուսթոնի երկրպագուները հիասթափված են Բիրմինգհեմում և
Նոթինգհեմում լեգենդար երգչուհու վերջին համերգներից։ 11 տարվա ընթացքում
առաջին անգամ երգչուհին հանդես է եկել Մեծ Բրիտանիայում, իսկ երկրպագուները
պահանջում են վերադարձնել «փչացած երեկոյի» համար ծախսած գումարները։ Այդ
մասին հաղորդում է Gigwise-ը։
Երգչուհին, ըստ երկրպագուների, մաքուր չէր կատարում բարձր նոտաները, շունչը
կտրվում էր։
«Իսկական խայտառակություն է դիվայի համար, ով կորցրել է ամբողջ
հմայքը...Այս ամենը շատ տարբեր է նրա երիտասարդության կատարումներից»,-
բողոքել են հանդիսատեսները։ Ոմանք նույնիսկ նշել են, որ դա իրենց կյանքի
ամենավատ համերգն էր։
Հիշեցնենք, որ սեպտեմբերի սկզբին ամերիկացի երգչուհին 6 տարվա լռությունից
հետո վերադարձավ մեծ բեմ։ Նա անվճար համերգ է տվել Նյու Յորքի Կենտրոնական
պուրակում, որտեղ կենդանի ձայնով կատարել է I Look To You նոր
ձայնասկավառակի երգերը։
|