Հայ և թուրք ժողովուրդները պետք է բարեկամներ լինեն: Այս մասին
Hurriyet օրաթերթի հետ հարցազրույցում հայտարարել է ամերիկյան շոուբիզնեսի
ներկայացուցիչ Կիմ Քարդաշյանը` լրագրողի խնդրանքով կարծիք հայտնելով
հայ-թուրքական մերձեցման գործընթացի մասին:
«Ես քաղաքականապես շատ իրազեկված չեմ, որպեսզի մեկնաբանեմ
հայ-թուրքական հարաբերությունների կարգավորման գործընթացի զարգացումները։
Սակայն հավատում եմ, որ հարևանները պետք է բարեկամներ լինեն: Գիտեմ, որ
Հայաստանը և Թուրքիան երկար և հակամարտություններով լի անցյալ ունեն»,-
նշել է Քարդաշյանը` ավելացնելով, որ անցյալի վերքերը դարմանելու համար
ժամանակ է պետք:
| 
