Վաղը տեղի կունենա «Եվրատեսիլ-2010» երգի միջազգային մրցույթի հայաստանյան նախընտրական փուլը:
Ուղիղ եթերում հանդիսատեսի դատին կներկայացվի նախապես ընտրված 10 երգից
9-ը, քանի որ երգչուհի Սոնյան օրերս հրաժարվել է մասնակցությունից:
Հիշեցնենք, որ մասնակիցներն են Another Story Rock-band-ը, Եվա Ռիվասը,
Նիկ Էգիբյանը, Էմմին և Միհրանը, Դավիթ Աշոտյանը, Մարիա Կիզիրյանը, Ռազմիկ
Ամյանը, Անի Արզումանյանը, Մելինե Բեգլարյանը:
«Եվրատեսիլ-2010»-ին Հայաստանը հանդես կգա երկրորդ կիսաեզրափակիչում,
որը տեղի կունենա մայիսի 27-ին: Այդ օրը Հայաստանի հետ կմրցեն Թուրքիան,
Վրաստանը, Ադրբեջանը, ինչպես նաև Շվեյցարիան, Լիտվան, Իռլանդիան,
Սլովենիան, Շվեդիան, Ուկրաինան, Նիդեռլանդները, Բուլղարիան, Խորվաթիան,
Դանիան, Կիպրոսը, Ռումինիան, Իսրայելը:
Ընդհանուր առմամբ, երկրորդ կիսաեզրափակչին կմասնակցի 17 երկիր: Մրցույթի առաջին կիսաեզրափակիչը տեղի կունենա մայիսի 25-ին:
|