Главная » 2010 » Февраль » 24 » Երիտասարդ ակտիվիստները ստացել են իրենց խնդրանք-նամակի պատասխանը:
01:37:10
Երիտասարդ ակտիվիստները ստացել են իրենց խնդրանք-նամակի պատասխանը:
Բնապահպանության ոլորտում գործող մի խումբ հայ երիտասարդ ակտիվիստներ
վերջերս նամակով դիմել էին հայազգի հայտնի երգիչ, ամերիկյան հանրահայտ
«System of a Down» ռոք խմբի ղեկավար Սերժ Թանկյանին, որով նրանք երգչին
խնդրել էին, որեւէ երգ գրելով կամ կոչով, իր խոսքն ասել հայաստանյան
բնապահպանության վերաբերյալ:
Օրերս երիտասարդները պատասխան նամակ են ստացել, որտեղ մասնավորապես ասվում է.
«Վայրի բնության եւ շրջակա միջավայրի ավերումն այլեւս չեն կարող
արդարացվել առաջընթացի կամ բնական ռեսուրսների օգտագործման անունով:
Քաղաքակրթությունը քայլում է մի բարակ պարանով` սեփական գոյատեւման եւ
ամեն ինչի ավերման միջեւ: Հիմնվելով մեր պատմական անցյալի եւ ներկա
աշխարհաքաղաքական իրողության վրա` սննդի, ջրի եւ էներգետիկայի հարցում
վստահությունը սեփական ուժերի նկատմամբ չափազանց կարեւոր է: Վայրի
բնության ավերումը եւ դրա արդյունքում ավելացող կարբոնային արտանետումները
դեպի մթնոլորտ պայմաններ են ստեղծել գլոբալ տաքացման համար, ինչը խիստ
սահմանափակում է մեր ինքնավստահությունը: Հանքաարդյունաբերությունը դեմ է
մեր համատեղ շահերին` որպես ժողովուրդ եւ պետություն»: