Այսօրվա ասուլիսի հրավիրման առթիթը երկրպագուների անվերջ զանգերն ու
հետաքրքրություններն են Էմմի և Միհրան զույգի վերաբերյալ: Այս մասին նշեց
Նադեժդա Սարգսյանը, ով նաև Էմմիի պրոդյուսերն է: Այսօր առավոտյան ժամը
11-ին Էմմին և Միհրանը մեկնել են Հայաստանից ԱՄՆ, բայց ոչ ընդմիշտ, այլ`
«Հեյ» երգի տեսահոլովակի նկարահանումների նպատակով:
Երգչուհին նշեց, որ ինքը դեմ չէ հաղթողին, ուղղակի իրենք ցանկանում են,
որ այս խախտումը չվերածվի նախադեպի և շարունակական բնույթ կրի: Իսկ ինչ
վերաբերում է հաղթողին, ապա վերջինիս հաջողություններ մաղթեցին: Այն
հարցին, թե արդյոք ստեղծված իրավիճակի արմատներն անցյալու՞մ չեն, քանի որ
միշտ էլ «ներքին խոհանոցում» են ընտրվել «Եվրատեսիլի» մասնակիցները,
Նադեժդա Սարգսյանը համաձայնեց և նկատեց, որ իրենք այս նպատակով էլ
ցանկանում են վերականգնել արդարությունը: Ինչ վերաբերում է այն
ասեկոսեներին, թե խոստացվել է, որ հաջորդ «Եվրատեսիլին» Էմմին է մեկնելու,
այդ պատճառով էլ իրենք պայքարը չեն շարունակելու, Ն. Սարգսյանն ասաց, որ
նման խոսակցություններ չեն եղել, չեն եղել նաև սպառնալիքներ, մինչև իսկ
երդվեց իր միակ զավակով: Այնուամենայնիվ, կմասնակցի՞ Էմմին հաջորդ
մրցույթին, Ն. Սարգսյանը պատասխանեց. «Հայաստանը Էմմին չի ներկայացնելու,
սակայն հնարավոր է, որ այլ երկիր ներկայացնի` այսպես մասնակցելով
«Եվրատեսիլին»»:
