Մի շարք հայկական ԶԼՄ-ների կողմից տարածած տեղեկատվության համաձայն՝ բազմաթիվ կեղծիքներ են արվել Եվրատեսիլ-2010-ի ազգային ընտրական փուլի մասնակիցներ Էմմիի և Միհրանի օգտին: Ըստ աղբյուրների՝ քվեարկությունից առաջ «ԱրմենՏելի» բազմաթիվ աշխատակիցների տրվել է Էմմիի օգտին անվճար sms-ներ ուղարկելու հնարավորություն:

«Ընկերությունը նպատակահարմար չի համարում մեկնաբանել այս հակամարտության երկու կողմերի ասեկոսեներն ու անհիմն շահարկումները և խորհուրդ է տալիս բոլոր մասնակիցներին՝ կենտրոնանալ ստեղծագործական աշխատանքի, հայկական էստրադային արվեստի զարգացման և առաջխաղացման վրա», - ասաց Բեղլոյանը:

Եվրատեսիլի հայկական ազգային ընտրական փուլի ժամանակ հիմնական պայքարը ծավալվել է երկու մասնակիցների՝ Եվա Ռիվասի և Էմմիի ու Միհրանի («Hey» Let Me Hear You Say) միջև:

Հայաստանում Եվրատեսիլ-2010-ի ազգային ընտրական փուլի ժամանակ SMS-քվեարկության և պրոֆեսիոնալ ժյուրիի ընտրության արդյունքում հաղթող է ճանաչվել Դոնի Ռոստովից ժամանած 22-ամյա երգչուհի Եվա Ռիվասը՝ «Apricot stone» երգով:

Հաղթողի անունը հրապարակելու ժամանակ Էմմին իր թիմի հետ միասին ցուցադրական կերպով լքեց բեմը, որի վրա գտնվում էին ազգային ընտրական փուլի բոլոր ինը մասնակիցները: